BRABU PhD Admission 2026 (Form 14 September Se) - PAT 2025 Aur 2026 Ek Saath, 22 Vishay Me 272 Seat Aur 4 Vishay Me Ek Bhi Nahi

BRABU PhD Admission 2026 - Ek Nazar Me

BRABU Muzaffarpur me PhD (PAT 2025 aur 2026) ka form 14 September se 3 October 2026 tak bhara gaya - ab 12 se 15 October 2026 tak Samarth portal par sirf sudhaar (correction) ka mauka hai. PAT 2025 aur 2026 ek hi daur me.

SUDHAAR WINDOW - 12 se 15 October 2026: BRABU ki 09.10.2026 ki notification (Ref.-Pat/25-26/02): "Samarth student portal for PAT-2025 & 2026 will remain open w.e.f. 12-10-2026 to 15-10-2026 for correction purpose only as requested by applicants." Yaani naya form nahi, sirf pehle bhare form me sudhaar - brabuadm.samarth.edu.in par login karke. Notification PDF

Bhaiyon, form bharne se pehle do cheezein zaroor dekh lijiye - aapke vishay me seat hai bhi ya nahi, aur aapka NET score abhi PhD ke liye maanya hai ya nahi. Dono neeche hain.

BRABU PhD Admission 2026 Me Kaun Aavedan Kar Sakta Hai

Ye sabse badi baat hai: naam "Admission Test" hai, par form sirf NET ya GATE walon ke liye khula hai.

Soochna ke hisaab se aavedan wahi kar sakte hain jo in me se koi paas hon:

Saath me Masters degree me 55% ank anivaarya hai. SC / ST / EBC / BC (non-creamy layer) / divyang / EWS aur anya varg ko 5% ki chhoot hai.

Agar aapne NET ya GATE nahi diya hai, to is baar ka form aapke liye nahi hai.

NET Ki Teen Category - Seat Kiske Paas Pehle Jaayegi

BRABU ne NET walon ko teen category me baanta hai:

Aur soochna ki sabse zaroori line:

"Available seats will be first filled by Category 1 candidates followed by Category 2 and Category 3 candidates on the remaining seat/s."

Yaani pehle JRF walon ko seat milegi, Category 2 aur 3 ko wahi jo baad me bachegi - Bihar sarkar ki aarakshan niti ke saath.

Ye Baat Log Chhod Denge - Aapke NET Ki Validity

Soochna me December 2024 ka NET bhi likha hai. Par usi soochna me Category 2 aur 3 ki validity "result ki tareekh se ek saal" likhi hai.

Isliye agar aap Category 2 ya 3 me hain aur aapka NET purane cycle ka hai, to form bharne se pehle apne NET result ki tareekh dekh lijiye aur hisaab lagaiye ki ek saal poora to nahi ho gaya.

BRABU PhD Admission 2026 Seat - Vishay-War Poori Suchi

SUDHAAR - 22 September 2026: BRABU ne 21 September 2026 ko board par "Revised Notification for Subject wise Vacancy position" daala (Ref. PAT-V/01 hi). Isme Electronics me 02 seat jod di gayi - pehle 00 thi. Ab kul 272 seat hain aur zero seat wale vishay 4 hain. Humne ye sanshodhit suchi (PDF) aaj khud padhi aur seat jod kar dekhi.

BRABU ki vishay-war seat ki suchi (Ref. PAT-V/01, 21.09.2026 ko sanshodhit):

Sanshodhit suchi ke neeche ab likha hai: "NO ADVERTISEMMENT FOR ZOOLOGY, SOCIOLOGY, BANGLA & MAITHALI." - Electronics is suchi se hat gaya.

Iska matlab: agar aapka vishay Zoology, Sociology, Bangla ya Maithili hai, to is baar BRABU me aapke liye PhD ki koi seat nahi hai. Rs 3,000 ya Rs 2,000 fee bharne se pehle ye zaroor dekh lijiye.

Aur jin vishay me 2-3 seat hain (Geography, Botany, Commerce), wahan JRF walon ke baad kam hi bachegi.

BRABU PhD Admission 2026 Form Kaise Bharein

1. brabuadm.samarth.edu.in kholiye - ye BRABU ka Samarth portal hai
2. Registration 14 September se 3 October 2026 tak tha (ab band)
3. NET / GATE ka vivran aur category sahi chuniye; Masters marksheet, scorecard aur jaati/EWS praman patra taiyar rakhiye
4. Galti hai to 12-15 October 2026 ko login karke sudhaar kijiye

Scam Warning

"brabuonline.in par PhD form" - BRABU ka purana portal brabuonline.in ab ek casino site ban chuka hai. PhD form sirf brabuadm.samarth.edu.in par hai. Poori jaankari yahan.

Shikayat: cybercrime.gov.in | 1930

FAQs

Q: BRABU PhD admission 2026 ka form kab se hai? A: Form 14 September se 3 October 2026 tak tha (band). Ab 12-15 October ko sirf correction ho sakta hai.

Q: BRABU PhD form correction 2026 kab tak hai? A: 12 se 15 October 2026, sirf correction ke liye, brabuadm.samarth.edu.in par.

Q: BRABU PhD me kaun aavedan kar sakta hai? A: UGC NET / CSIR NET (December 2024, June 2025, December 2025, June 2026) ya GATE 2025/2026 paas, jinke Masters me 55% ank hon (aarakshit varg ko 5% chhoot).

Q: BRABU PhD admission 2026 me kitni seat hain? A: 22 vishay me kul 272 (21 September ki sanshodhit suchi). Sabse zyada Hindi 60, English 45 aur Mathematics 30.

Q: Kin vishay me seat nahi hai? A: Zoology, Sociology, Bangla aur Maithili - in chaar me 00 seat hai aur koi vigyapan nahi. Electronics me sanshodhan ke baad 2 seat hain.

Q: BRABU PhD form fee kitni hai? A: General Rs 3,000; OBC/EBC/SC/ST/EWS aur mahila ke liye Rs 2,000.

Q: JRF walon ko pehle seat milegi? A: Haan. Seat pehle Category 1 (JRF) se bharegi, uske baad bachi seat Category 2 aur 3 ko.

Q: Kya NET ka score hamesha maanya hai? A: Category 2 aur 3 ke liye soochna me validity result ki tareekh se ek saal likhi hai. Apne scorecard ki tareekh dekh lijiye.

Q: Test kab hoga? A: Is soochna me test ya interview ki koi tareekh nahi di gayi hai.

Zaroori Links

• BRABU PhD Admission Portal (Samarth)
• PAT 2025 & 2026 Notification (12.09.2026)
• Subject-Wise Vacancy Suchi (09.09.2026)
• BRABU Official Website

Ye Bhi Zaroor Padhein

• BSUSC Assistant Professor History result 2026 - UR cut off 88.43 - 316 pad, 315 chayanit, aavantan alag se

• IGNOU PhD entrance admit card 2026 - pariksha 11 October - Samarth login se download, course work Delhi me

• BNMU PhD admission 2026 - 20 September tak, sirf NET/JRF

• CNLU Patna PhD admission 2026 - 3 October tak, 70 pratishat NET + 30 pratishat interview

• CSIR NET June 2026 result out - result aur rank 10 September ko

• UGC NET June 2026 result aur answer key tracker

• CSIR UGC NET June 2026 apply online

• GATE 2027 notification, registration aur exam date

• brabuonline.in ab casino site hai - purana portal hijack

• BRABU UMIS portal result check 2026

• PPU PhD course work exam 2026

• Bihar Balika PhD Fellowship 2026

• BRABU PGDCA entrance 2026 admit card - pariksha 24 September

• BRABU M.Ed admission 2026-28 - UMIS par form 6 November tak - admit card 8, test 22 November

Source: BRABU, Muzaffarpur ki apni do soochnaayein, dono 13 September 2026 ko brabu.ac.in ke notice board se khud download karke padhi gayin (scan hain, isliye page ki image banakar padhi gayin). (1) Ph.D. Admission Test-2025 & 2026 NOTIFICATION, Memo No. PU/397/372, dinank 12/09/2026 - NET/CSIR NET (Dec 2024, June aur Dec 2025, June 2026) aur GATE 2025/2026 walon se 14/09/2026 se 03/10/2026 tak online aavedan, Rajyapal Sachivalay ki notification L/ORD/02/2026/1412/GS(I) dinank 04-07-2026 ke anusaar; Masters me 55%, aarakshit varg ko 5% chhoot; Category 1/2/3 aur "seats will be first filled by Category 1"; fee General Rs 3000, OBC/EBC/SC/ST/EWS/Women Rs 2000. (2) Subject wise Vacancy position for PAT 2025 & 2026, Ref. PAT-V/01, dinank 09/09/2026 - 22 vishay, jod 270, "NO ADVERTISEMENT FOR ZOOLOGY, ELECTRONICS, SOCIOLOGY, BANGLA & MAITHALI". Test/interview ki tareekh dono me nahi hai.