BSEB Inter Registration 2026-28 Ki Teesri Khidki - Form 24 October Tak, Par Fee Sirf 23 October Tak Jama Hogi

BSEB Inter Registration 2026-28 - Ek Nazar Me

BSEB Inter 2028 (satra 2026-28) ka suchikaran ab 24 October 2026 tak bhara ja sakta hai, par fee 23 October tak hi jama hogi - ye teesri khidki hai.

UPDATE (26 October 2026): chauthi khidki - form 6 November tak. intermediate.biharboardonline.com ke 2026-28 section ki "Registration Form Filling Timeline" me ab 4th Date: 25/10/2026 se 06/11/2026 (InProgress) hai, aur fee ki aakhri tareekh 05/11/2026. Teesri khidki (10.10-24.10) Completed dikh rahi hai. Niyam wahi: pehle fee, phir form - aur form college ka pradhan hi bharega. 26 October ko humne portal khud dekha. Class 9 walon ke liye bhi yahi tareekhein: Matric registration 2028.

15 October 2026 ko humne portal khud dekha: intermediate.biharboardonline.com ke 2026-28 section ki "Registration Form Filling Timeline" me pehli khidki (24.09 tak) aur doosri (25.09-09.10) Completed, teesri 10.10.2026 se 24.10.2026 In Progress, fee ki aakhri tareekh 23.10.2026. Neeche ki "22 aur 24 September" wali talika pehli khidki ki hai - niyam wahi hai: pehle fee, phir form. Class 9 walon ka Matric 2028 registration bhi 24 October tak hai: Matric registration 2028.

16 September 2026 ko humne portal aur vigyapti dono khud khole. Pehle is page par likha tha ki 2026-28 ka link kaam nahi karta aur koi notice nahi hai - wo ab sahi nahi hai, aur ye sudhaar hai. Samiti ki vigyapti P.R. 201/2026 aa chuki hai aur portal ka 2026-28 section khul gaya hai.

Bhaiyon aur behno, jo abhi class 11 me hain aur Inter 2028 me baithenge, unka suchikaran chalu hai. Par samiti ne do alag tareekhein rakhi hain, aur yahi sabse zyada nuksan karti hain.

Inter Registration Ki Do Tareekhein - Pehle Fee, Phir Form

Vigyapti ki kandika 9.2 me poora tarka hai:

Matlab - pehle college fee jama karta hai, phir utne hi vidyarthiyon ka aavedan bharta hai. Fee jama hone ke baad bhi kisi ka aavedan chhoot jaaye to samiti ne do din aur de rakhe hain, yaani 24 September tak. Par jiska shulk 22 tak jama hi nahi hua, uska aavedan 24 ko bhi nahi bharega - isliye college ke office me 22 se pehle naam confirm karwa lijiye.

Inter Registration 2026-28 Ki Fee

Doosre board se 10th paas hain to Rs 200 aur: immigration shulk sirf anya board se 10th uttirn par lagta hai - kul fee niyamit Rs 715 aur swatantra Rs 1,115, aur Migration Certificate bhi sansthan me jama karna anivarya.

Inter Registration Kaun Bharega Aur Kaise

Vidyarthi khud nahi bhar sakta; kram ye hai:

1. Sansthan ka pradhan DEO se mile User ID se portal par login karta hai
2. Registration form download - har vidyarthi ka form do prati me
3. Registration Payment - e-challan (Indian Bank), NEFT, ya card/net banking se
4. Payment Status dekh kar Fill Registration Form
5. Declaration Upload - ghoshna patra par vidyarthi, abhibhavak aur pradhan teenon ke hastakshar ke baad
6. View Registration Details

Niyamit koti ke form ka khand 'A' (kramank 1-17) OFSS se pehle se bhara aata hai aur usme chhed-chhaad nahi ho sakti; vidyarthi sirf khand 'B' (18-36) bharta hai.

Photo Aur Hastakshar Ka Naap

Galat naap par form upload hi nahi hoga:

Aadhaar: niyamit koti me kramank 18 par, swatantra me kramank 15 par; na ho to agle kramank me ghoshna anivarya. Vidyalay ka U-DISE+ Code aur APAAR ID bhi darj hoti hai.

Swatantra Koti Ke Inter Registration Ke Alag Niyam

• Sirf kala athva vaanijya sankaay me - vigyan aur vyavsayik me private ka pravdhan hai hi nahi
• Aavasiya praman patra apne jile ke saksham padadhikari se anivarya
• Chhatra 10th uttirn hone ke 3 saal me; chhatraon ko ek saal ki aur chhoot

Ek Shart Jo Aage Bhaari Padti Hai

Kandika 10 kehti hai - suchikaran ki vaidhta sirf teen pariksha satron ke liye hai. Satra 2026-28 ke naamankan par aagami satra 2027-29 ka suchikaran nahi hoga; uske liye dobara 11veen me naamankan lena padega.

Jo compartmental, qualifying, samunnat ya poorvvarti koti me pehle se suchikrit hain, unhe dobara suchikaran nahi karana.

Do Alag Cycle - Confusion Yahin Hota Hai

Class 12 me hain to aapka kaam exam form hai, suchikaran nahi.

Scam Warning

"Registration hum kara denge, Rs 500" - suchikaran sansthan ka pradhan apne login se karta hai; koi cafe ya agent nahi.

"Direct link se khud bhar lijiye" - vidyarthi ke liye koi direct form hai hi nahi.

Shikayat: cybercrime.gov.in | 1930 | Helpdesk 0612230039 (10 se 6), [email protected]

FAQs

Q: BSEB Inter registration 2026-28 ki last date kya hai? A: Teesri khidki me form 24 October 2026 tak, par shulk 23 October tak hi jama hoga.

Q: Inter registration 2026-28 ki fee kitni hai? A: Niyamit koti Rs 515 aur swatantra koti Rs 915; doosre board se 10th walon ko Rs 715 aur Rs 1,115.

Q: Kya main khud registration kar sakta hoon? A: Nahi - ye shikshan sansthan ka pradhan apne User ID se karta hai.

Q: BSEB Inter registration ka portal kaunsa hai? A: intermediate.biharboardonline.com ka 2026-28 wala section.

Q: Fee 23 October ko nahi jama hui to 24 tak bhar sakte hain? A: Nahi - aakhri din sirf unke liye hai jinka shulk jama ho chuka hai.

Q: Private koti me vigyan le sakte hain? A: Nahi - swatantra koti sirf kala ya vaanijya me hai.

Q: Photo ka size kya hona chahiye? A: 35mm x 30mm, 40-100 KB, background plain white ya light green.

Q: Suchikaran kitne saal chalta hai? A: Sirf teen pariksha satron tak.

Zaroori Links

• Vigyapti P.R. 201/2026 - Registration Session 2026-28 (PDF)
• Inter Registration 2026-28 - Portal
• Arts & Commerce Private Registration Form (PDF)
• BSEB Ki Mukhya Site

Ye Bhi Zaroor Padhein

• BSEB Matric registration 2028 - class 9, 24 October tak
• BSEB Inter exam form 2027 - fee Rs 1430
• BSEB 10th aur 12th registration 2027 - poora process
• Bihar Board dummy registration card - galti pehle hi pakad lijiye
• BSEB registration declaration upload - status check
• Bihar Board marksheet me naam ya janm tithi sudhar
• Bihar Vidya Saathi - BSEB ka free 24x7 live teacher, Filo app me school wale number se login

Source: Bihar Vidyalay Pariksha Samiti ki Vigyapti Sankhya P.R. 201/2026 (8 panne), jo humne 16 September 2026 ko intermediate.biharboardonline.com ke 2026-28 wale section se download karke khud padhi - aavedan ki avadhi 08.09.2026 se 24.09.2026; kandika 9.1-9.2 (sansthan ka pradhan User ID se do prati me form download karega; shulk 22.09.2026 tak hi, aur shulk jama ho chuke vidyarthiyon ka aavedan 24.09.2026 tak kabhi bhi), 9.5-9.8 (hastakshar, mohar evam sanshodhan 24.09.2026 tak); kandika 10 (vaidhta maatra teen pariksha satron ke liye); kandika 11-11.3 (swatantra koti - aavasiya praman patra anivarya, sirf kala/vaanijya, chhatra ko 3 saal aur chhatraon ko 1 saal ki aur chhoot); kandika 12 (vyavsayik me private nahi); kandika 15 ki shulk table (kul niyamit Rs 515, swatantra Rs 915, anya board se 10th par Rs 715 evam Rs 1,115 tatha Migration Certificate anivarya); kandika 16.1-16.3 (e-challan, NEFT, card/net banking); kandika 17 (photo 35mm x 30mm evam 40-100 kb, hastakshar 3.5cm x 1cm evam 5-20 kb); kandika 6-7.1 (U-DISE+ Code, APAAR ID, Aadhaar ka kramank). Portal par bhi "The last date for Registration Fee Payment is 22-09-2026" darj hai.