JSSC Sahayak Acharya (Para Teacher) 2026 Form Dobara Khula - 29 September Se 18 October Tak; 7,299 Pad Sirf Karyarat Para Teachers Ke Liye
⚡ 30-SECOND SUMMARY
Important Dates
Notification (Advt 04/2026 + 05/2026)
2026-07-22
Online registration (dobara khula)
2026-09-29
Registration ki aakhri tareekh (raat 12 baje)
2026-10-18
Fee bhugtan (Avashyak Suchna-03)
05.10.2026 se 22.10.2026 (madhya ratri)
Photo/signature upload ki aakhri tareekh
2026-10-22
Edit window
23-10-2026 se 24-10-2026
Application Fee
Payment: Debit/Credit Card, Net Banking, UPI
🎓 Eligibility & Overview▾
Organization
JSSC (Jharkhand Staff Selection Commission)
Last Date
18 Oct 2026
Qualification
Jharkhand Shiksha Pariyojna Parishad me 2 saal se lagatar karyarat para teacher + trained teacher yogyata + JTET (level/vishay ke hisaab se)
Age Limit
21 saal nyuntam; adhiktam UR/EWS 35, EBC-1/BC-2 purush 37, mahila 38, SC/ST 40 (01-08-2026 ko); para teachers ko seva avadhi ke barabar chhoot, 58 saal tak
📄 Complete Details▾
JSSC Sahayak Acharya (Para Teacher) 2026 - Form Dobara Khula, 18 October Tak
Form band, fee 22 October tak (20 October 2026 ko dekha): online aavedan 18 October 2026 ki raat band ho gaya - JSSC ki site par koi extension nahi. Par fee bhugtan abhi khula hai: JSSC ki Avashyak Suchna-03 (05.10.2026) ke anusaar pariksha shulk 05.10.2026 se 22.10.2026 ki madhya ratri tak bhara ja sakta hai, aur tay samay me fee jama na karne par abhyarthita radd ho sakti hai. Form bhar diya par fee nahi bhari - to 22 October se pehle bhar dijiye. (Suchna-03 PDF)
JSSC ne Sahayak Acharya (Para Koti) JTAACCE-2026 ka online form dobara khol diya hai - registration 29 September se 18 October 2026 raat 12 baje tak jsscjtaacce.ibtexamination.com par. Ye JSSC ki Avashyak Suchna-02, dinank 29.09.2026 se hua hai.
Bhaiyon, pehle sabse zaroori sach: ye 7,299 pad sabke liye nahi hain. Brochure ke mutabik saare pad Jharkhand Shiksha Pariyojna Parishad, Ranchi ke antargat karyarat para teachers (Sahayak Adhyapak) ke liye aarakshit hain - jinki seva vigyapan ki tareekh tak lagatar kam se kam 2 saal ki ho aur jo us din kaam par hon. 3 October 2026 ko humne JSSC ka notice aur 97 panne ka brochure khud padha - hamare pichhle update me ye shart saaf nahi thi, ab sudhaar di hai.
JSSC Sahayak Acharya 2026 - Ek Nazar Me
| Cheez | Byora |
|---|---|
| Pariksha | JTAACCE-2026 (Sahayak Acharya, Para Koti) |
| Vigyapan | 04/2026 (niyamit) + 05/2026 (backlog), 22 July 2026 |
| Kul pad | 7,299 (6,101 + 1,198) |
| Kaun bhar sakta hai | sirf JEPC ke 2 saal se karyarat para teacher |
| Registration | 29.09.2026 se 18.10.2026 (raat 12 baje) |
| Fee bhugtan | 05.10.2026 se 22.10.2026 madhya ratri tak (Suchna-03) |
| Photo/signature | 22.10.2026 tak |
| Edit window | 23-24 October 2026 |
| Fee | Rs 100; Jharkhand SC/ST Rs 50; PwD (40%+) muft |
| Exam date | abhi ghoshit nahi |
Form Kyun Ruka Tha Aur Ab Kya Badla
Pehle form 31 July se 30 August 2026 tak bharna tha, par JSSC ne 30 July ko online aavedan sthagit kar diya tha. Ab Avashyak Suchna-02 me sirf itna likha hai ki "aparihary karanon se" tareekh badli gayi. Kisi court order ka zikr notice me nahi hai.
| Charan | Nayi tareekh |
|---|---|
| Online registration | 29-09-2026 se 18-10-2026 (madhya ratri tak) |
| Fee bhugtan | 22 October 2026 madhya ratri tak |
| Photo + signature upload | 22-10-2026 (madhya ratri tak) |
| Edit window | 23-10-2026 se 24-10-2026 - naam, janm tithi, email aur mobile chhod kar sab badal sakte hain |
Dhyan: portal ke ticker par 18 October "12:00:00 PM" dikhta hai, jabki notice me "madhya ratri" likha hai. 17 October tak bhar dijiye - dono me jo bhi sahi ho, aap surakshit rahenge.
JSSC Sahayak Acharya Vacancy 2026 - Post-Wise 7,299
| Pad | Advt 04/2026 (niyamit) | Advt 05/2026 (backlog) |
|---|---|---|
| Inter Trained Sahayak Acharya (Class 1-5) | 1,909 | 847 |
| Graduate Trained (Class 6-8) - Bhasha | 1,868 | 19 |
| Graduate Trained (Class 6-8) - Samajik Vigyan | 660 | 248 |
| Graduate Trained (Class 6-8) - Ganit evam Vigyan | 1,664 | 84 |
| Kul | 6,101 | 1,198 |
Dono vigyapan ke liye ek hi form, ek hi fee aur ek hi pariksha hai. Zila-war pad brochure me hain.
Eligibility - Para Teacher Ki Shart, JTET Aur Umar
1. Seva ki shart (sabse pehli): Jharkhand Shiksha Pariyojna Parishad ke antargat karyarat para teacher, vigyapan ki tareekh tak lagatar 2 saal ki seva. Anubhav aur svachhta praman patra Class 1-5 ke liye Prakhand Shiksha Prasar Padadhikari (BEEO) aur Class 6-8 ke liye Kshetra Shiksha Padadhikari dega - format brochure ke parishisht XV aur XVI me hai.
2. JTET: jis level aur vishay me JTET pass kiya hai, usi me state-level merit se niyukti. Jharkhand ke wo niwasi jinke paas CTET hai, unhe niyukti ke 3 saal ke andar JTET pass karna hoga.
3. Prashikshan yogyata: Class 1-5 ke liye 12th + D.El.Ed (NCTE ke niyam se), Class 6-8 ke liye graduation + D.El.Ed ya B.Ed - poori suchi brochure me.
4. Umar (01-08-2026 ko):
| Varg | Adhiktam umar |
|---|---|
| UR / EWS | 35 |
| EBC-1 / BC-2 (purush) | 37 |
| Mahila (UR/EWS/EBC-1/BC-2) | 38 |
| SC / ST | 40 |
Nyuntam umar 21 saal. Para teachers ko contract seva ki avadhi ke barabar umar me chhoot milti hai, adhiktam 58 saal tak.
Salary - Level 4 Aur Level 5
| Class | Pay Level | Pay scale |
|---|---|---|
| Class 1-5 | Level-4 | Rs 25,500 - 81,100 |
| Class 6-8 | Level-5 | Rs 29,200 - 92,300 |
JSSC Sahayak Acharya Online Form Kaise Bharein
- jssc.jharkhand.gov.in ke application section me "Online Application JTAACCE-2026 (Para Teacher)" par Apply Now dabaiye - ye aapko jsscjtaacce.ibtexamination.com par le jaayega
- Registration karke level + vishay wahi chuniye jisme JTET pass hai
- Advt 04/2026 aur 05/2026 - dono ka vikalp ek hi form me
- 18 October tak form, 22 October tak photo-signature
- Fee ki tareekh JSSC ki agli soochna me aayegi - portal dekhte rahiye
Purana
jssc.nic.indomain band hai - sirf jssc.jharkhand.gov.in aur uska diya hua portal.
Bihar Walon Ke Liye Saaf Baat
Ye Jharkhand ki bharti hai aur sirf wahan ke karyarat para teachers ke liye hai. Bihar ka koi B.Ed/D.El.Ed wala, jo JEPC me para teacher nahi hai, form nahi bhar sakta - chahe JTET ya CTET pass ho. Bihar walon ke liye BPSC TRE 4 aur BSEB Sakshamta ka rasta hai.
Scam Warning
"Para teacher ka anubhav praman patra bana denge, Rs 20,000" - anubhav praman patra sirf BEEO / Kshetra Shiksha Padadhikari deta hai, aur JSSC iski jaanch karta hai. Farzi patra par niyukti radd hogi.
"Form hum bhar denge" - registration aap khud portal par kariye. Shikayat: cybercrime.gov.in | 1930
FAQs
Q: JSSC Sahayak Acharya form 2026 last date kya hai?
A: 18 October 2026 (raat 12 baje) - JSSC Avashyak Suchna-02, 29.09.2026. Photo-signature 22 October tak, edit 23-24 October.
Q: JSSC para teacher form dobara kab khula?
A: 29 September 2026 ko. Pehle 31 July-30 August ki window thi jo khuli hi nahi.
Q: JSSC Sahayak Acharya me kaun apply kar sakta hai?
A: Sirf Jharkhand Shiksha Pariyojna Parishad ke karyarat para teacher, jinki lagatar seva vigyapan ki tareekh tak 2 saal ki ho - saath me JTET aur prashikshan yogyata.
Q: JSSC Sahayak Acharya 2026 me kitne pad hain?
A: 7,299 - 6,101 niyamit (Advt 04/2026) + 1,198 backlog (Advt 05/2026).
Q: JSSC Sahayak Acharya fee kab bharni hai?
A: Fee Rs 100 (Jharkhand SC/ST Rs 50, PwD muft) hai, aur JSSC ki Avashyak Suchna-03 ke anusaar bhugtan 22 October 2026 ki madhya ratri tak hoga.
Q: JSSC Sahayak Acharya exam date kya hai?
A: Abhi ghoshit nahi - notice aur portal dono par koi exam date nahi hai.
Q: Kya Bihar ke candidate JSSC Sahayak Acharya ke liye apply kar sakte hain?
A: Nahi, jab tak wo Jharkhand ke JEPC me 2 saal se karyarat para teacher na hon.
Q: Para teacher ko umar me kitni chhoot hai?
A: Contract seva ki avadhi ke barabar, adhiktam 58 saal tak.
Ye Bhi Zaroor Padhein
- JTET admit card 2026 out - pariksha 1 November - Level-2 subah 9:30, Level-1 dopahar 2 baje; admit card 15 October se
- JTET 2026 (Jharkhand TET) - is bharti ke liye JTET zaroori
- JSSC Inter Level (JILCCE) Recruitment - JSSC ki doosri bharti, jo sabke liye khuli hai
- BPSC TRE 4 Update - Bihar teacher bharti
- BSEB Sakshamta Pariksha - Bihar ke niyojit teacher
- Bihar DElEd Counselling - teacher training course
Source: JSSC Avashyak Suchna-02, dinank 29-09-2026 (jssc.jharkhand.gov.in notice) aur "Brochure Regular Vacancy JTAACCE-2026 (Para Teacher)" (PDF), dono 3 October 2026 ko khud padhe. Notice: registration 29-09-2026 se 18-10-2026, photo-signature 22-10-2026, edit 23-24-10-2026, fee ki tareekh alag. Brochure: kandika 2 me fee Rs 100/Rs 50 aur backlog "kul rikti 1198"; kandika 6 - saare pad Jharkhand Shiksha Pariyojna Parishad ke 2 saal se karyarat para teachers ke liye aarakshit; kandika 7 - umar 01-08-2026 ko, para teachers ko 58 saal tak chhoot. Pad-sankhya brochure ki zila-war table ke jod se.
🔗 IMPORTANT LINKS
Is Page ka Author
Abhishek - SkillUP Bihar
Bihar Sarkari Naukri Expert
Content Writer. Official govt sources se verified content likhta hai. Bihar sarkari naukri focus. Har page kam-se-kam 2 official sources se cross-verified.
Verified by Md Saiyad Ali - Founder & Content Researcher
Similar Jobs
Sab dekho →UP TGT Bharti 2026 - 17,735 Pad Ka Form 24 October Se 23 November Tak, Exam 23-24 December; CTET Paper-2 Wale Bihar Ke Log Bhi Bhar Sakte Hain, Par Sirf General Me
UP Principal Aur Headmaster Bharti 2026 - 2,647 Pad (1,475 + 1,172) Ka Form 22 November Tak, Exam 7 January 2027; Bihar Ke Shikshak Bhi Bhar Sakte Hain, Sab Pad Anarakshit
UP Assistant Teacher Bharti 2026 - Primary Ke 12,405 Pad, Form Ab 28 October Tak (Badhi); CTET Wale Bihar Ke Log Bhi Bhar Sakte Hain, Par Aarakshan Nahi Milega