Bihar Krishi Input Anudan 2026 Baadh Wala Aavedan Khula - 29 September Tak, Sirf 18 Zile Ki 653 Panchayat Ke Kisan

Bihar Krishi Input Anudan 2026 - Baadh Wala Aavedan 29 September Tak

Bihar me August 2026 ki baadh se barbaad fasal ke liye krishi input anudan ka aavedan 23 September 2026 subah 6 baje se 29 September 2026 raat 10 baje tak khula hai. Ye muawza sirf 18 zilon ki 653 soochit panchayat ke kisanon ko milega, jinki fasal 33% se zyada barbaad hui.

Bhaiyon, ye badh rahat ke 7,000 rupaye wali yojana nahi hai - ye fasal ke nuksan ka alag muawza hai, aur isme khud online aavedan karna padta hai. 23 September 2026 ko humne Krishi Nideshalaya ka patrank 5479 aur DBT portal khud khola - neeche wahi hai.

Bihar Krishi Input Anudan Baadh 2026 - Ek Nazar Me

DBT portal ke mukhya panne par ye pankti hai: "कृषि इनपुट अनुदान 2026-27 23-09-2026 Time 06:00 AM To 29-09-2026 10:00 PM".

Kitna Paisa Milega - Prati Hectare

Aadesh ke kriyanvayan anudesh (kandika 1.2) ke anusaar, Aapda Prabandhan Vibhag ke patrank 6304 (31.12.2022) ke maanak par:

Anudan adhiktam 2 hectare tak hi milega. Rakba form me decimal me bharna hai - aadesh ke hisaab se 1 acre = 100 decimal aur 1 hectare = 247 decimal.

Kaun Se 18 Zile - Aur Apni Panchayat Kaise Dekhein

Patrank 5479 in 18 zilon ke zila padadhikari aur zila krishi padadhikari ko bheja gaya hai:

Vaishali, Lakhisarai, Begusarai, Paschim Champaran, Katihar, Samastipur, Bhojpur, Sheikhpura, Aurangabad, Saran, Munger, Madhepura, Arwal, Kaimur, Purnia, Khagaria, Bhagalpur aur Patna.

Par zila soochit hona kaafi nahi - aapki panchayat soochi me honi chahiye. Portal par panchayat ki suchi ka PDF hai jisme kul 653 panchayat hain. Form bharne se pehle apni panchayat us suchi me khud dhoondhiye. Panchayat suchi me nahi hai to aavedan manzoor nahi hoga, chahe fasal kitni bhi doobi ho.

Kaun Kis Shreni Me Aavedan Kare

Aadesh kisanon ko teen shreni me baanta hai, aur ek kisan sirf ek shreni me aavedan kar sakta hai. Ek khet ke liye anudan ek hi vyakti ko milega - chahe wo zameen ka malik ho ya khetihar.

Jo doosre ki zameen par kheti karte hain, unki pehchaan krishi samanvayak aur jan-pratinidhi (ward sadasya/mukhiya/sarpanch) milkar karenge.

Bihar Krishi Input Anudan Ka Aavedan Kaise Karein

1. dbtagriculture.bihar.gov.in kholiye - "Online Aavedan Karein" menu me August 2026 ki baadh wala vikalp chuniye
2. Apni 13 ank ki panjikaran sankhya daaliye - sahi hui to aapka byora aur form dikhega
3. Pehle kul zameen, phir barbaad rakba decimal me bhariye
4. CAPTCHA daal kar Get OTP dabaiye - OTP registered mobile par aayega. Bina OTP aavedan amanya hai
5. Zameen ka kagaz (rasid / jamabandi / LPC) upload kijiye aur Submit kijiye
6. SMS se aavedan sankhya aayegi - aavedan apne aap krishi samanvayak ke paas satyapan ke liye chala jaata hai

Aavedan nishulk hai - apne mobile se, ya prakhand krishi karyalay / E-Kisan Bhawan me muft. Common Service Centre ya Vasudha Kendra se bhi kara sakte hain.

Badh Rahat Aur Krishi Input Anudan - Do Alag Cheezein

Badh rahat ka poora byora yahan hai: Bihar badh rahat 2026 - naam anchal ki suchi se aata hai.

Paisa Kyon Atak Sakta Hai

• Bank khata Aadhaar se juda nahi - aadesh saaf kehta hai, aise kisanon ko labh nahi milega
• Galat panjikaran sankhya - form khulega hi nahi
• Panchayat suchi me nahi - aavedan radd
• Ek parivar se do aavedan - parivar ka matlab pati, patni aur nabalig bachche
• Portal se chhedchhad - aadesh ise gambhir apraadh kehta hai

FAQs

Q: Bihar krishi input anudan 2026 ka aavedan kab tak hai? A: 29 September 2026 raat 10 baje tak. Aavedan 23 September subah 6 baje se khula hai.

Q: Krishi input anudan me kitna paisa milta hai? A: Asinchit Rs 8,500, sinchit Rs 17,000 aur shashvat fasal Rs 22,500 prati hectare - adhiktam 2 hectare.

Q: Kaun se zile ke kisan aavedan kar sakte hain? A: 18 zile - Vaishali, Lakhisarai, Begusarai, Paschim Champaran, Katihar, Samastipur, Bhojpur, Sheikhpura, Aurangabad, Saran, Munger, Madhepura, Arwal, Kaimur, Purnia, Khagaria, Bhagalpur, Patna - par sirf soochit 653 panchayat ke.

Q: Kitne pratishat nuksan par anudan milega? A: Fasal 33% se zyada barbaad honi chahiye.

Q: Bataidar kisan aavedan kar sakta hai? A: Haan - "vastavik khetihar" shreni me, agal-bagal ke do kisanon ke satyapit dastavez aur jan-pratinidhi evam krishi samanvayak ke praman patra ke saath.

Q: Krishi input anudan ka form kahan bharein? A: dbtagriculture.bihar.gov.in par - mobile se, CSC se, ya prakhand krishi karyalay me muft.

Q: Kya badh rahat aur input anudan ek hi hain? A: Nahi. Badh rahat Aapda Prabandhan ki yojana hai, input anudan fasal ka muawza hai aur Krishi Vibhag deta hai.

Q: Panjikaran nahi hai to kya karein? A: Pehle DBT Agriculture portal par kisan panjikaran karaiye - 13 ank ki sankhya ke bina aavedan nahi hoga.

Ye Bhi Zaroor Padhein

• Bihar badh rahat 2026 - naam anchal ki suchi se aata hai
• Bihar krishi input anudan - poori jaankari
• DBT Agriculture kisan panjikaran
• DBT Agriculture status kaise dekhein
• Bihar diesel anudan yojana 2026 Bihar Abhiyan Basera-2 online aavedan 2026 - bhoomihin parivar ko 5 decimal tak zameen
• Adhikarik: DBT Agriculture Bihar, aavedan ka panna, patrank 5479 aur kriyanvayan anudesh (PDF) aur 653 panchayat ki suchi (PDF)