Bihar Home Guard Recruitment 2026 - 13,500 Posts, 12th Pass Apply

Bihar Home Guard Recruitment 2026 - 13,500 Posts

Bhaiyon, Bihar me 13,500 Home Guard ki bharti sarkar ne manzoor ki hai - Bihar ki sabse badi HG bharti. 12th pass apply kar sakte hain, district-wise (apne hi zile se). Sabse achhi baat: daily duty allowance Rs 774 se badhake Rs 1,121 ho gaya. (Poora Hindi summary neeche.)

Status - 12 October 2026 ko khud jaancha: 13,500 wali bharti ka form abhi nahi khula. Humne aaj chaaron jagah dekhi - CSBC ka "Bihar Home Guards" panna (sabse naya notice ab bhi 18-05-2022 ka), onlinebhg.bihar.gov.in (wahan "Bihar Home Guard Recruitment 2025" ki merit list aur PET ka schedule hai, 2026 ka koi vigyapan nahi), e-Kamaan aur BPSSC. Kahin bhi nayi bahali ki soochna nahi hai. 13,500 ka aankda ghoshna se aaya hai - uski adhisuchna ya cabinet sankalp ki copy humein kisi sarkari site par nahi mili.

Isliye koi bhi site jo "Home Guard Bharti 2026 online aavedan shuru" bata rahi hai, wo galat hai. Form jab khulega to CSBC ya onlinebhg par soochna ke saath khulega.

Isi beech alag bhartiyan aayi thin: BPSSC ne Home Guard me Company Commander ke 65 pad nikale - Advt 08/2026 ka form 30 July ko band hua, aur Advt 11/2026 (sirf pehle se Home Guard walon ke liye) ka form 10 October 2026 ko band ho gaya. Ye dono 13,500 wali bharti se alag hain - officer-level pad (Pay Level 6). Vivran: Advt 08/2026 | Advt 11/2026.

Daily wage Rs 1,121 - recently Rs 774 se badhakar Rs 1,121 kiya gaya hai!

13,500 Ka Form Kab Aur Kahan - Seedha Jawab

Sabse zyada yahi poocha ja raha hai, to bina ghumaye:

"Last date kya hai?" - iska seedha jawab: abhi koi last date hai hi nahi, kyunki form khula hi nahi. 21 September 2026 ko humne CSBC ka "Bihar Home Guards" wala panna phir khola - wahan sabse naya notice 18 May 2022 ka hai (purani bharti ki supplementary list). 2026 ki 13,500 wali bharti ka ek bhi notice wahan nahi hai. 12 October ko bhi yahi sthiti thi.

Abhi tak 13,500 posts ka koi official notification nikla nahi hai. 22 August 2026 ko humne CSBC ki site phir se khud kholi - uspe "Bihar Home Guards" ka apna section to hai, par 13,500 ka koi notice wahan nahi hai. Jo aankda har jagah ghoom raha hai wo ghoshna se aaya hai, kisi prakashit notification se nahi.

Iska matlab: abhi form bhara hi nahi ja sakta, aur jo site aapko "apply online" ka link de rahi hai wo aapko kahin nahi le ja rahi.

Do baatein jo aapko ragadne se bachayengi:

1. onlinebhg.bihar.gov.in par jo dikh raha hai wo 2025 ki bharti hai. 22 August ko ye portal nahi khula tha; 12 October 2026 ko khula - par wahan "Bihar Home Guard Recruitment 2025" (Advt 01/2025) ki zila-war final merit list aur PET ka schedule hai. Sabse aakhri PET Begusarai me 04-Apr-2026 se 06-May-2026 tak chala. Wahan ka "Latest Advertisement" bhi 2025 wala hai. Isliye wo list dekhkar ye mat samajhna ki 13,500 wala form aakar chala gaya - 2025 ki merit list ka poora hisaab.

2. Do jagah nazar rakho - csbc.bihar.gov.in aur onlinebhg.bihar.gov.in. 2025 ki zila-war bahali onlinebhg par chali thi, isliye nayi bharti ki soochna dono me se kahin bhi aa sakti hai. Hafte me ek baar dono khol lo, itna kaafi hai.

Aur koi bhi "pakki date" bata raha hai to wo anumaan bech raha hai. Notification ki tareekh tabhi pakki hoti hai jab wo CSBC ke notice board pe chhap jaye. Tab tak taiyari karo - PET/PST hi is bharti ka asli filter hai, aur wo notification ke baad shuru karne se nahi hoti.

Home Guard Ki Do Alag Cheezein Hain - Inhe Mat Milao

Aajkal "Home Guard" ke naam par do bilkul alag cheezein ghoom rahi hain, aur log inhe ek samajh lete hain:

Isliye agar kahin dikhe ki "Home Guard ka PET aa raha hai, admit card 8 September se" - wo Advt 02/2026 ki baat hai, 13,500 wali bharti ki nahi. Un dono ka aapas me koi lena-dena nahi.

Advt 02/2026 wale abhyarthiyon ke liye poora vivran: Bihar Police SI PET Admit Card (usi notice me teeno vigyapan hain).

Quick Info

Direct Links

Notification abhi tak nahi aayi (12 October 2026). csbc.bihar.gov.in aur onlinebhg.bihar.gov.in dekhte raho, aur kisi WhatsApp "apply link" pe bharosa mat karo.

Eligibility Criteria

Qualification: 12th pass (any stream), Bihar-recognized board.

Age (01-01-2026): General 19-40, OBC/BC/EBC + Female 19-43, SC/ST + PwD 19-45.

Other: Bihar domicile zaroori, apne district me hi apply, no criminal record, married/unmarried dono eligible.

Physical Standards (PST) Aur PET

PST (lambai/seena): purush General ko 5'4" aur seena 31-33 inch; Purnia/Kosi division aur ST ko chhoot - 5'2". Mahilaon me General 5'0" / 45 kg, ST 4'10" / 43 kg.

PET (15 marks): daud, high jump, long jump aur shot put - purush ke liye 1600m 6 minute me, mahila ke liye 800m 4 minute me.

Yahi is bharti ka asli filter hai - likhit nahi, merit PET ke marks se banti hai. Isliye zyada marks = better rank. Event-wise marking, category-wise chhoot aur taiyari ka poora plan yahan hai: Home Guard PET/PST Details | Home Guard Syllabus.

Selection Process

Online application -> PST (height/chest) -> PET (race/jump/shot put - 15 marks) -> medical -> document verification -> final merit (PET marks se).

Koi written exam NAHI - selection sirf physical tests pe based.

Salary & Benefits

Daily wage Rs 1,121 (recently increased) = monthly ~Rs 33,630 (30 duty days), in-hand ~Rs 23,000-28,000. Benefits: duty allowance, festival bonus, insurance, uniform, training allowance, promotion.

Home Guard duty-based hai - jitne din duty, utne din ka paisa.

District-wise Bharti

Bihar ke 38 districts me - apne district me hi apply. Zila-war pad kitne honge, iska koi official aankda abhi nahi hai - ye notification me hi aayega.

How to Apply? (Step-by-Step)

Documents ready: Aadhaar, 12th marksheet+certificate, domicile, caste certificate (agar lagoo), photo + signature.

Steps: official portal (notification me jo diya ho) -> "New Registration" (mobile+email verify) -> form bharo (personal + qualification + apna district select) -> photo/signature upload -> fee (jo notification me likhi ho, online) -> submit + printout. Admit card ke liye portal check karte raho.

Important Tips

Physical prep: daily 1600m running, high jump 4 feet, long jump 12 feet, shot put 7.26 kg gola - abhi se practice.

Documents: originals + 2 photocopies, 10 passport photos, domicile certificate zaroori.

Galtiyan avoid karo: galat district select, galat photo/signature size, galat mobile number, aur last-date pe apply (server slow hota hai).

Scam Warning

Home Guard bharti ke naam pe fraud hota hai!

• "Rs 50,000 do, selection pakka" - 100% FRAUD
• "Setting hai, pass karwa denge" - FRAUD
• Fake notification websites - Sirf csbc.bihar.gov.in aur onlinebhg.bihar.gov.in trust karo
• "Medical mein pass karwa denge" - FRAUD

Yaad Rakho: Selection merit-based hai. Kisi ko paisa mat do.

Report: SkillUpBihar Scam Alerts

FAQs

Q: Notification kab aayega? A: Official tareekh abhi nahi aayi. 12 October 2026 tak 13,500 ka koi notice CSBC ya onlinebhg par nahi tha.

Q: Bihar home guard vacancy 2026 online apply date kya hai? A: Abhi koi apply date nahi - form khula hi nahi. onlinebhg par jo merit list hai wo 2025 (Advt 01/2025) ki hai.

Q: Written exam hoga kya? A: Nahi - selection sirf PST + PET + medical + DV pe based hai (koi likhit exam nahi).

Q: Dusre district me apply kar sakte hain? A: Nahi - apne domicile district me hi (district-wise bharti hai).

Q: Female candidates ke liye relaxation? A: Haan - height + PET me relaxation, age me 3 saal extra.

Q: Salary kitni milegi? A: Rs 1,121/day (in-hand ~Rs 23,000-28,000/month, duty days ke hisab se).

Q: Age limit relaxation? A: OBC/female 3 saal, SC/ST 5 saal.

Q: Home Guard permanent job hai? A: Nahi - duty-based contractual, par long-term service milti hai.

Q: 12th pass eligible hai? A: Haan - 12th pass + physical standards clear karne wale apply kar sakte hain.

बिहार होमगार्ड वैकेंसी 2026 - हिंदी में समझें

बिहार में 13,500 होम गार्ड पदों की भर्ती को सरकार ने मंज़ूरी दी है - यह अब तक की सबसे बड़ी होम गार्ड वैकेंसी है। 12वीं पास उम्मीदवार आवेदन कर सकते हैं, और भर्ती जिला-वार (district-wise) होगी यानी अपने ही ज़िले से आवेदन करना होगा। सबसे बड़ी बात - daily duty allowance Rs 774 से बढ़ाकर Rs 1,121 कर दिया गया है।

चयन कैसे होगा? शारीरिक मापदंड (PST) + फिज़िकल टेस्ट (PET - दौड़/ऊंची कूद/गोला फेंक) के आधार पर मेरिट - कोई लिखित परीक्षा नहीं। पूरी योग्यता, उम्र सीमा और फिज़िकल standards ऊपर टेबल में हैं।

ताज़ा नोटिफिकेशन कहां? आधिकारिक भर्ती नोटिफिकेशन आते ही यह पेज तुरंत अपडेट होगा - सिर्फ csbc.bihar.gov.in और onlinebhg.bihar.gov.in पर भरोसा करें (12 अक्टूबर 2026 तक नई भर्ती की कोई सूचना नहीं), किसी fake "apply link" पर पैसा न दें।

Ye Bhi Zaroor Padhein

• UP Home Guard PET admit card 2026 - daud 15 September se

• BPSC Fire Officer ke 18 pad - form hi itne nahi aaye

• BPSSC Company Commander vigyapan 11/2026 - sirf Home Guard walon ke liye

• CSBC Ki Do Website - Dono Asli Hain - csbc-bih.bihar.gov.in fake nahi hai, par ek farak hai

• Bihar Home Guard Admit Card 2026 - Hall ticket + PST/PET schedule

• Bihar Me Ladkiyon Ke Liye Sarkari Naukri (35% Aarakshan) - par domicile ke bina nahi milta

• Bihar Home Guard Syllabus 2026 - PET events + physical standards

• Bihar Home Guard Result 2026 - Merit list + cut-off

• BPSSC Company Commander (Home Guard) 2026 - Graduate HG officer bharti

• Bihar Police Physical Test Tips - Running + PET prep

• 12th Pass Sarkari Naukri Bihar - 12th pass jobs

• BPSSC Havildar Clerk result - 320 PET ke liye - Home Guard ki alag bharti, PET sthagit

Notification aate hi is page pe update milega. Sirf official website trust karo!