Kya hai Bihar Startup Policy?
Agar aapke paas koi unique business idea hai, toh Bihar Sarkar aapko ₹10 Lakh tak ka loan de rahi hai wo bhi 0% Interest pe. Isse "Seed Fund" kaha jata hai.
Iska sabse bada fayda ye hai ki aapko ye paisa 10 saal mein wapas karna hai.
Eligibility (Kaun Apply Kar Sakta Hai?)
- Aap Bihar ke nivasi hone chahiye.
- Aapki age 18 saal se upar honi chahiye.
- Aapki company 'Private Limited' ya 'LLP' registered honi chahiye (ya register karne ka plan ho).
- Business idea naya hona chahiye (Sirf dukan kholne ke liye nahi milega).
Documents Required
- Aadhar Card
- Pan Card
- Educational Certificate (10th/12th/Degree)
- Business Plan (Project Report)
- Caste Certificate (Agar SC/ST/OBC hain - Isme alag benefit hai)
Step-by-Step Application Process
Step 1: Portal pe Registration
Sabse pehle official website startup.bihar.gov.in pe jayein. Wahan "Register" pe click karein. Basic details (Naam, Mobile, Email) bharein.
Step 2: Pitch Deck Tayyar Karein
Ye sabse main step hai. Sarkar ko aapka idea samajhna hoga. Aapko ek chhota Presentation (PPT) banana hoga jisme likha ho:
- Problem kya hai?
- Aapka Solution kya hai?
- Paise kaise kamaoge?
Step 3: Online Apply
Dashboard mein login karke form bharein. Apne documents aur Pitch Deck upload karein.
Step 4: SMIC Meeting
Agar apka form select hota hai, to aapko Patna bulaya jayega interview ke liye. Wahan experts aapse sawal puchenge. Darna nahi hai, bas apne idea pe confident rahiye.
⚠️ Common Mistakes (Kyun Form Reject Hota Hai?)
Copy-Paste Project Report: Cyber cafe wale purana report chipka dete hain. Apna khud likhein. Generic Idea: "Kirana Dukan" ya "Cyber Cafe" kholne ke liye ye loan nahi hai. Kuch innovative sochiye.